靚酒西式雞旦仔 Amo Eno Wine Bar & Shop

平時勁少去IFC，又唔係要扮中環人，食嘅買嘅去邊度都得啦！不過為咗一底雞旦仔，的確係需要揸車去睇睇，兼食吓，因為Amo Eno Wine Bar & Shop每一款食物都加入不同的酒烹調，非常特別！



西式雞旦仔
享負盛名的港式雞旦仔，配以充滿葡萄酒風味的三款滋味醬，令人食指大動。
三款滋味醬分別為加入香檳酒的芥末醬、葡萄酒Muscat的煙肉醬以及雪利酒的櫻桃醬。

墨西哥雞肉漢堡
加入了墨西哥辣椒的雞肉漢堡，雞肉以白葡萄酒烹調，香脆的麵包內夾著嫩滑的雞肉，夠晒惹味！

焦糖布丁
蛋香味十足的焦糖布丁，烤脆了的焦糖滲出淡淡的酒香味……
原來在烤製的過程中加入了甜酒Sauterne。

芝士貝殼粉
以大量車打芝士調製的醬汁，濃濃的包著每一粒貝殼粉，芝士愛好者當然最Like啦！

栗米煙肉沙律
清新的沙律配有Shiraz酒葡萄酒醋，酸酸甜甜，加上脆麵包片，更加可口。

芝士火腿拼盤
共7款芝士、5款火腿和3款果醬選擇。
拼盤最特別之處是以葡萄酒釀製的果醬，配以脆麵包片，風味十足。

呢間Amo Eno Wine Bar & Shop，除咗以革新的酒吧概念，揉合了設計、種類繁多的葡萄酒之外，數到最吸引的是那張高科技的互動多點觸控LCD螢幕桌子啦！只要手觸螢幕上的葡萄酒，就會顯示出葡萄酒的資料。桌子更特別設有篩選功能，如喜歡Back Vintage的法國紅酒，桌子便會就國家、年份和葡萄品種提供符合喜好的葡萄酒選擇，而且桌子更可連接Facebook和Twitter，即時分享嘗酒體驗。

一入店內就見到多部自助葡萄酒機。

仲有樣盞鬼得意嘅自助葡萄酒機，有75款來自世界各地的葡萄酒，分25毫升、75毫升及150毫升三個份量。嚟幫襯嘅客人都會獲得一張設計精美的葡萄酒卡，只要將葡萄酒卡插入這部自助葡萄酒機，再選擇自己喜歡的葡萄酒和份量，按一下按鈕，就可以享受一杯自己喜歡的葡萄酒。

每位光顧客人會獲得一張葡萄酒卡，將卡插入自助葡萄酒機就OK！

葡萄酒機分三個份量，可選擇最少份量，一次過品嘗多款不同的葡萄酒。

Amo Eno

地址：中環國際金融中心商場3027號鋪

想得到更多資料可瀏覽　http://www.amoeno.com/