說好的張家輝呢?

喜歡《天與地》，並非因為當年編劇們在開拍前曾聯絡過地底樂團傾談過一些樂隊的二三事，地底有幸被邀請分享一下意見，固然榮幸，大佬！地底樂團有鬼人識咩？難得可盡點綿力分享一些個人對樂隊及音樂的感受，求之不得啦！所以當日請了半天假入電視城，盡量將所知所見所感受過的毫無保留分享出來。

喜歡《天與地》，是因為夠吉士！大台用Band做劇集題材，仲要用黃貫中唱作主題曲？當然劇集的深度並不是樂隊或講音樂講理想，一句「This city is dying, you know?」FB朋友、網民都勁Like，甚至連蘋果日報都大肆報導，成功！難度只侷限了收視，而抹殺了其他嗎？

最近翻看有張家輝的電視節目巡邏版本，講真！就咁睇好TVB、好C9 Feel咯！如果又係恩怨情仇，佘詩曼為報仇嫁張家輝、臨尾又係法庭戲大結局，就算鄧萃雯撐場都冇Q用啦！
喜歡《天與地》，也是因為TVB繼多年前《大時代》、《馬場大亨》後，另一套真正香港電視創作重要里程的經典劇集。