古惑仔 伴 熱奶茶

 

　　古惑仔伴熱奶茶，或熱奶茶伴古惑仔都可以。反正，主角不是圖右的熱奶茶，而是今期（Vol.1561）的《古惑仔》漫畫。

 

　　點解有iPad唔用、又唔用智能手機上網睇「免費」漫畫，要真金白銀拎HKD $15出嚟買港漫呢？

 

　　喂！不如問返轉頭，點解要用iPad、或智能手機上網睇「免費」漫畫，咁PK唔肯真金白銀拎HKD $15出嚟買港漫呢？

 

　　咳！講返正題…

 

　　呢個禮拜四果期《古惑仔》出版到第1561，係目前最長篇漫畫故事（當然唔計《龍虎門》或《新著龍虎門》啦，唔係又要問點解吓？）

 

　　點可以唔個個禮拜乖乖哋拎HKD $15出嚟買先？喂！我有份支持，喺讀者角度我有份一齊見證港漫打破呢個輝煌紀錄，係咪有份值得驕傲先？

 

　　你叫我個個禮拜嘔成千字俾你都難啦！何況《古惑仔》由周刊轉到三日刊出版咁多年，仲要故事Keep住水準，係咪更加難能可貴先？

 

　　唔講咁多，嘆住杯熱奶茶睇埋本《古惑仔》先。係呀！今期仲有海報送添！